Open Wireless Stereo (OWS)

Open Wireless Stereo, ose OWS, është teknologji audio wireless që përdoret te kufjet me dizajn të hapur. Ndryshe nga kufjet in-ear, kufjet OWS nuk futen brenda kanalit të veshit, por qëndrojnë mbi vesh me ndihmën e dizajnit ergonomik ose kapëseve mbajtëse.

Kjo i bën shumë komode për përdorim të gjatë, sidomos për persona që nuk preferojnë kufje që futen në vesh. Ato lidhen me pajisjet përmes teknologjisë wireless dhe nuk kanë kabllo që lidh njërën kufje me tjetrën.

Një përparësi e rëndësishme e OWS është balanca mes zërit dhe ambientit. Përdoruesi mund të dëgjojë muzikë ose të kryejë thirrje, ndërkohë që mbetet më i vetëdijshëm për tingujt përreth. Kjo i bën të përshtatshme për ecje, vrapim, punë, udhëtim dhe përdorim në qytet.